သံစဉ်များ၏ အတ္ထုပတ္တိ ( ဖေဖော်ဝါရီ ၂၀၀၃ ၊ အလင်္ကာ )

သံစဉ်များ၏ အတ္ထုပတ္တိ ( ဖေဖော်ဝါရီ ၂၀၀၃ ၊ အလင်္ကာ )



ကိုယ်ကြိုက်တဲ့ သီချင်းခွေလေး တစ်ခုကို ကက်ဆက်ထဲထည့် ၊ ခလုတ်နှိပ်ပြီး နားထောင်လိုက် ၊ အခွေဆိုတာနဲ့ ကောင်းတယ် မကောင်းဘူး ဆုံးဖြတ်ကြ ၊ အဲဒီလို ခင်ဗျားတို့ နားထောင်ကြတဲ့ သီချင်းခွေလေးတွေ ဘယ်နည်းဘယ်ပုံ မွေးဖွားခဲ့သလဲ၊ သူတို့နောက်ကြောင်း ရာဇ၀င် အတ္ထုပတ္တိတွေဟာ ဘာလဲဆိုတာကို ခင်ဗျားတို့ သိချင်မှ သိပါလိမ့်မယ်။ သီချင်းခွေလေး တစ်ခွေရဲ့ နောက်ကွယ် ရာဇ၀င်ကို လူတိုင်းသိဖို့ ခဲယဉ်းပါတယ် ။ တခြား နိုင်ငံတွေမှာတော့ ဒီလိုနောက်ကွယ် ရာဇ၀င်လေးတွေကို တန်ဖိုးထားပြီး ခံစားတင်ပြလေ့ ရှိပါတယ်။ ရှပ်ရှင်ဖက်မှာလည်း ဒီလိုပဲ။ ဇာတ်လမ်းပြီးတာနဲ့ သူတို့ ဘယ်လိုရိုက်ကူးရတယ်၊ ဘာတွေ အခက်အခဲနဲ့ ကြုံရတယ် ဆိုတာကို ပြန်လည်ပြသလေ့ ရှိပါတယ်။ ဂီတဖက်မှာလည်း MTV အခွေတွေ၊ အချပ်တွေမှာ ပါတတ်ပါတယ်။ ကျွန်တော်တို့ဆီမှာလည်း ခင်ဗျားတို့ အခု နားထောင်နေတဲ့ သီချင်းလေးတွေကို ဘယ်လိုဖန်တီးခဲ့ကြသလဲ။ တီးခတ်သူတွေရဲ့ ခံစားမှုကို သီချင်းကြိုက်တဲ့ ခင်ဗျားတို့ သဘောပေါက်သွားအေင် နည်းနည်းတင်ပြပါမယ် …. ။





ကျွန်တော်တို့ဆီမှာ သီချင်းတွေကို အမည်နာမ အမျိုးမျိုးနဲ့ တီးခတ်၊ သီဆိုလာခဲ့တာ ၁၉၇၀ လောက်ကစပြီး အခုအချိန်ထိ ဆိုပါတော့ ။ အဲဒီတုန်းကတော့ Rock&Roll နဲ့ Pop လောက်ပဲ ရှိမယ် ထင်ပါတယ်။ နောက်တဖြည်းဖြည်း Hard Rock, Country Rock, Disco, Heavy Rock ပေ့ါ။ အဲဒီကနေ Heavy Metal, Alternative Rock အခု Pop Metal , New Metal, Modern Rock ဆိုတာတွေ အထိ ရောက်နေပြီး အဲဒီလို သီချင်းအမျိုးအစားတွေ ပြောင်းလာသလို သီချင်းတွေကို ဖန်တီး၊ စုစည်းခဲ့ကြတဲ့ စနစ်တွေဟာလည်း သူ့နည်း သူ့ဟန်နဲ့ ပြောင်းလဲလာခဲ့ပါတယ်။



ဟိုး အရင်ခေတ်က သီချင်းတွေကို စုစည်းကြတယ်။ ဘယ်လို ခံစားတီးခတ်တယ် ဆိုတာ ကျွန်တော် မမီလိုက်ပေမယ့် ကိုယ်တိုင်ခံစား တီးခတ်ဖန်တီးခဲ့ကြသူတွေ ပြန်လည်ရေးသားတဲ့ စာအုပ်စာတမ်းများ အရဆိုရင် ဟိုးအရင်က သီချင်းတစ်ပုဒ်ကို တစ်ပြိုင်တည်း တီးကြ၊ ဆိုကြ ၊ သွင်းယူကြ ရပါတယ်။ တစ်ယောက်မှားခဲ့ရင် တစ်က ပြန်စ၊ အဲဒါကလည်း Tape Recorder ပေါ်မှာ အသံသွင်းခွင့် ရတဲ့လိုင်း Track က နည်းနေလို့ ဖြစ်ပါတယ်။ အသံသွင်းတဲ့ ရာဇ၀င်က ဒီလိုဗျ ၊ သီချင်းတစ်ပုဒ်ကို သွင်းတော့မယ် ဆိုရင် Body, Drums အတွက် အနည်းဆုံး ၆လိုင်းလောက် သုံးရပါတယ်။ ဘာကြောင့်လဲဆိုတော့ သူက Main လည်း ဖြစ်တယ်။ သူ့မှာက တန်ဆာပလာကလည်း များတယ် ။ Kick, Snare, Tom Tom, 1,2,3,4 Cymbel နှစ်ချုပ်၊ Hi Hat စသည်ဖြင့်ပေ့ါ။ ကျန်တာတွေ ရှိသေးတယ်။ Hi Tom, Percussion, China Boy အဲဒါတွေကို တစ်ခုချင်း Mic ပေးပြီး သွင်းယူရပါတယ်။ တစ်ခုချင်း သွင်းမှလည်း Mixing မှာ တစ်ခုချင်းရဲ့ အသံကို လိုသလို အနည်းအများ တင်းလျှော့ လုပ်လို့ ရပါတယ်။ Guitar တွေ KB ဆိုရင် လည်း ထိုနည်းတူပါပဲ။ Copy သီချင်းဆိုရင် သီချင်းထဲမှာ ပါတဲ့ အသံအားလုံးကို Note ရှာပြိး အကုန်တီးရတော့ သူတို့လည်း အနည်းဆုံး ၆လိုင်းစီလောက် သုံးရပါတယ်။



ဟို အရင်ခေတ်က Recorder တွေက 4 Track လောက်ပဲ ရှိတော့ အတီးတွေကို တစ်ခါတည်းပေါင်းပြီး ယူရပါတယ်။ ဥပမာ Drum နဲ့ Bass ( Rhythm Guitar ) ပေ့ါ။ အဲဒါက ၂လိုင်း၊ အဆိုမှာ ဟာမိုနီ ပါခဲ့ရင် တစ်ခါထဲ ဆိုရပါတယ်။ အဲဒါကနေ 8Track စနစ်ကို ရောက်လာခဲ့ပါတယ်။ သွင်းယူခွင့်ရတဲ့သူ လိုင်းက နည်းနည်းများလာတော့ Multiple လေး ပါလာပြီ။ Drum, Bass, Rhytham, KB Backing လိုင်းကို ၂လိုင်းသွင်းမယ်။ ကျန်တဲ့လိုင်းမှာ Guitar solo, KB solo တွေ ၊ percussion တွေ ထည့်မယ်။ Vocal နဲ့ Harmony တွေကိုလည်း ၁ လိုင်းစီပေးပြီး အေးအေးဆေးဆေး ဆိုလို့ ရပြီပေါ့။



အဲဒီတုန်းကတော့ Guitar တွေ KB တွေကိုိ Stereo စနစ် Left+Right ၂လိုင်းခွဲပြီး မတီးကြဘူး။ ရှိရင်တော့ ရှိမယ်။ နည်းမယ် ထင်ပါတယ်။ တီးခွင့်ရတဲ့လိုင်းက နည်းတော့ တီးလို့ မရလို့ နေမှာပေ့ါ။ နောက်ပြီး အဲဒီခေတ်က ပေါ်တဲ့ ကက်ဆက်တွေကလည်း Speaker ( စပီကာ ) က တစ်လုံးထဲ။ ခင်ဗျားတို့ တွေ့ဖူးမှာပါ။ အသံတွေက အဲဒီ စပီကာ တစ်လုံးထဲကနေ စုပြုံပြီး ထွက်နေတာ။ နောက်မှာ ကက်ဆက်တွေလည်း စပီကာ ၂လုံးဖြစ်လာတယ်။ ဖန်တီးတဲ့ စနစ်တွေလည်း ပြောင်းလဲလာတယ်။ 8 Track ကနေ 16 Track စနစ်ကို ရောက်လာပြီ။ ဟိုအရင် သီချင်းကြော်ငြာတွေမှာတောင် ၁၆ လိုင်း Track Recorder စက်သစ်ကြီးမျာဖြင့် တို့ ဘာတို့ နဲ့ ရေးပြီး ကြော်ငြာကြတယ်လေ။ တချို့လူတွေကတော့ သိချင်မှ သိပါလိမ့်မယ်။ Track တွေဘာတွေ ဂရုမစိုက်ဘူး ။ အဆိုတော် ကြိုက်ရင် ၀ယ်နားထောင်လိုက်တာပဲပေ့ါ။



အဲဒီ 16 Track လည်း ပေါ်လာရော ကျွန်တော့်စိတ်အထင် ပြောရရင် တီးကြ ခတ်ကြတဲ့ ပညာရှင်တွေလည်း စုစုစည်းစည်း မရှိကြတော့ဘူး။ ကိုယ့်တာဝန်နဲ့ ကိုယ် လိုဖြစ်သွားခဲ့တယ် လို့ ထင်ပါတယ်။ ဘာကြောင့်လဲဆိုတော့ အသံသွင်းယူခွင့်ရတဲ့ လိုင်းက များနေတော့ တစ်ခါတည်း တီးစရာ မလိုတော့ဘူး။ တခြား အလုပ်တွေကလည်း ရှိနေတာက တစ်ကြောင်းပေ့ါ။ ကိုယ့်အပိုင်းနဲ့ ကိုယ် Note ရေးပြီး တီးကြတော့တယ်။ တစ်ယောက်ချင်း ကိုယ်တီးရမယ့် Date ကျမှ အေးအေးဆေးဆေး လာတီးကြတော့တယ်။ ဟို အရင်ကတီးခဲ့၊ ဖန်တီးခဲ့တဲ့ သီချင်းလေးတွေကို ပြန်နားထောင်ကြည့်ရင် အားနည်းမှု ရှိတာက သွင်းယူခွင့်လိုင်း နည်းလို့ ဖြစ်ရမယ် ၊ ပစ္စည်းအားနည်းနေလို့ ဖြစ်ချင်ဖြစ်မယ်။ ဒါပေမယ့် နားထောင်လိုက်ရတဲ့ သူရဲ့ ရင်ထဲမှာတော့ တီးခဲ့သူရော၊ ဆိုတဲ့သူရော စည်းစည်းလုံးလုံး ရှိနေတယ်။ Team Work ရှိနေတာကို ခံစားရပါမယ်။



အခုတီးခတ်သူ အတော်များများလည်း ဒီလို တပြိုင်တည်း သွင်းယူတဲ့ စနစ်ကို နားလည်ပြီးသား ဖြစ်ပါတယ်။ ဒါပေမယ့် Studio Data အခက်အခဲ၊ အဖွဲ့ရဲ့ အလုပ်များမှု၊ Stage show များပေ့ါလေ စတဲ့ ကိစ္စတွေနဲ့ ဆိုတော့ အဆင်ပြေအောင် ကြည့်တီးနေကြရပါတယ်။ အဲဒီကနေ နောက် 24 Track စနစ်ရောက်လာခဲ့ပါတယ်။ အခုဆိုရင် 42 အထိ တီးကုန်ကြပါပြီ။ သီချင်းတွေကလည်း မြင့်လာသလို သုံးစွဲလာတဲ့ တူရိယာများကလည်း များလာတော့ သွင်းယူရတဲ့ အပိုင်းကလည်း လိုင်းတွေ အများကြီး သုံးလာရပါပြီ။ Multiple စနစ်ကိုလည်း တွင်တွင်ကျယ်ကျယ် သုံးလာကြပါပြီ။ ကိုယ့်အပိုင်းနဲ့ ကိုယ် စိတ်ကြိုက် အေးအေးဆေးဆေး သွင်းယူလို့ရတယ်။ သို့သော် အဲဒီ Multiple စနစ်ကို လူတိုင်းလည်း မသိကြပါဘူး။ သီချင်းသွင်းရင် အားလုံး တစ်ခါတည်းပဲ သွင်းတယ်လို့ ထင်နေကြပါတယ်။ တစ်ခါ ကျွန်တော်တို့ဆီ သီချင်းလာသွင်းတဲ့ နယ်ကအဆိုတော်ရဲ့ မိဘတွေ၊ အကိုတွေ နှမတွေပေါ့ဗျာ။ သီချင်းသွင်းတော့ လိုက်လာပြီး ကြည့်ကြတာပေ့ါ။ ပထမနေ့ အစမ်းသွင်းတော့ Drum(body) ပိုင်းကို အရင်စသွင်းတာပေ့ါ။ ပြီးမှ ကျန်တာတွေကို ပြန်ထပ်မယ်လေ။ သီချင်းကလည်း copy ဆိုတော့ ဘာမှ ၀င်တီးစရာ မလိုဘူး။ အဲဒီလို Drum တစ်ခုတည်း တီးနေတော့ အဖေလုပ်သူက မနေနိုင်တော့ဘူး ထင်ပါတယ်။ ဟ တစ်ယောက်တည်း တီးတာလား ၊ ဂစ်တာတွေ ဘာတွေလည်း မတီးကြဘူးလား ၊ တစ်ခါတည်း တီးကြလေ၊ တစ်ခါတည်း တီးတော့ သီချင်းမြန်မြန် ပြီးတော့ပေ့ါ တဲ့။ ကျွန်တော်က ရှင်းပြရတယ် ၊ ဒီလို ဦးလေးရေ ၊ Drum ကို အရင်တီးရတယ်။ ပြီးမှ ကျန်တာတွေ ပြန်ထပ်တီးရမယ်ပေ့ါ။ နောက်ပြီး Multiple စနစ်အကြောင်းလည်း ရှင်းပြရသေးတယ်။ အဲဒီတော့ အဖိုးကြီးက မင်းတို့ဟာက အရသာလည်း သိပ်မရှိလှပါဘူးကွာ လို့ ပြောသွားတယ်။



ကျွန်တော်တို့ စာအုပ်တွေဖတ် ၊ အခွေတွေကြည့်၊ နိုင်ငံခြားရောက်ဖူးတဲ့ ပုဂ္ဂိုလ်တွေရဲ့ ပြောစကားအရတော့ သူတို့ဆီမှာ တီးဝိုင်း (Band ) တစ်ခုဟာ အသံသွင်းရင် တစ်ခါတည်း လူစုံ တက်စုံ တီးကြပါတယ်။ ပြီးမှ ထပ်စရာရှိတာ ထပ်ကြတယ်။ အားလုံးပြီးမှ Mixing Studio ကိုသွားပြီး Mixing ကို စိတ်ကြိုက်ဆွဲပါတယ်။ ခြွင်းချက်တော့ ရှိပါတယ်။ သူတို့ဆီက Band တွေက Studio တစ်ခုမှာ ၀င်ပြီးဆိုရင် နှစ်ပေါက် Studio မှာပဲ နေကြ၊ စားကြ၊ တီးကြတယ်။ တီးတော့လည်း တခြား အဆိုတော်ကို တီးပေးစရာ မလိုပါဘူး။ ကိုယ့်အဆိုတော်၊ ကိုယ့် Band နဲ့ ကိုယ် ဆိုကြတီးကြပါတယ်။



ထားပါတော့ ။ ကျွန်တော်တို့ဆီမှာတော့ အခက်အခဲတွေ ရှိနေတော့ အဆင်ပြေအောင် ကြည့်လုပ်နေရထဲ့ အထဲမှာ နည်းနည်းလေး ထူးခြားလာမလား ဆိုပြီး တီထွင်ဆန်းသစ်နေရင် ကောင်းပါတယ်။ ဘာပဲဖြစ်ဖြစ် အနုပညာဟာ အနုပညာပါပဲ။ ကိုယ့်ပရိသတ်ကို ထူးထူးခြားခြားလေးတွေ ပို့ပေးနိုင်ရင် တီထွင်ရကျိုးနပ်ပါတယ်။ သမားရိုးကျ နည်းအတိုင်း ဆိုရင်တော့ တဖြည်းဖြည်းနဲ့ ငြီးငွေ့လာတတ်ပါတယ်။ ကျွန်တော်တို့ဆီမှာက အခု အချိန်အထိ သမားရိုးကျ နည်းအတိုင်းပဲ။ သီချင်းတွေကို ဖန်တီးစုစည်းနေကြပါတယ်။ ကိုယ်ပိုင်သံစဉ် သီချင်းတွေထဲမှာလည်း ဒီလိုပါပဲ။ Body, Drum ကို ရအောင်ယူထားမယ်။ Guitar + KB တွေကို Drum တီးစဉ်မှာ အကြမ်းသဘောမျိုး ၀င်တီးမယ်။ ပြီးမှ နောက် Data တွေမှာ Guitar + KB တွေကို အချောဝင်တီးကြပါတယ်။ အားလုံးပြီးမှ vocal ၀င်ဆိုရပါတယ်။



ကျွန်တော် အဓိက ပြောချင်တာကတော့ အဲဒီလို သမားရိုးကျနည်းကို ငြီးငွေ့လာပြီး အဲဒီကနေ ဖောက်ထွက်လာတဲ့ သီချင်းခွေတစ်ခု အကြောင်းကို ပြောချင်လို့ပါ ။ အဲဒီ စနစ်က ဟိုအရင်တုန်းက သီချင်းတွေလိုပါပဲ။ စုစုစည်းစည်းရှိမယ်။ အသံသွင်းယူခွင့်ရတဲ့ လိုင်းကလည်း များတယ်။ တီးခတ်မယ့်သူရော ၊ ဆိုတဲ့သူရော၊ ရေးတဲ့သူရော၊ တစ်ချိန်တည်း တစ်ပြိုင်တည်း Studio အခန်းထဲမှာ ရှိနေတယ်။ အရင်တုန်းကလိုပဲ သီချင်းတစ်ပုဒ်ကို တစ်ပြိုင်တည်း သွင်းယူတဲ့ စနစ်ပါပဲ။ အသံသွင်းယူခွင့်ရတဲ့ လိုင်းတွေက များနေတော့ လိုအပ်တာက တီးဝိုင်းနဲ့ အဆိုတော်ရဲ့ စည်းလုံးညီညွတ်မှု၊ အပေးအယူ၊ အချိတ်အဆက်လေးတွေပဲ ဖြစ်ပါတယ်။ အဲဒီလို သမားရိုးကျ ပုံစံကနေ ပြောင်းလဲတီးခတ် အသံသွင်းယူခဲ့တဲ့ စနစ်ကို ကျွန်တော်တို့လည်း ကြိုက်တယ်။ ထွက်ပေါ်လာတဲ့ သီချင်းတွေကလည်း အရသာတစ်မျိုး ထူးနေမယ် ထင်ပါတယ်။ အဲဒီအခွေကတော့ PTL Studio မှာ IRON CROSS အဖွဲ့နဲ့ သွင်းယူခဲ့တဲ့ ကိုလေးဖြူရဲ့ ကိုယ်ပိုင်သံစဉ် သီချင်းတွေပါပဲ။ စသွင်းစကတည်းက သမားရိုးကျ မဟုတ်တော့ ကျွန်တော်တို့လည်း စိတ်ဝင်စားပါတယ်။ ပညာလည်း ရပါတယ်။ Studio မှာလည်း တီးမယ့်သူ ၄ ယောက် ၊ အဆိုတော် ၊ တေးရေးသူက အစ စုံစုံလင်လင် ရှိနေပါတယ်။ Arrangement လုပ်တဲ့ Iron Cross Band ကိုခင်မောင်သန့်က တီးခတ်ရမယ့် အ၀င်အထွက် အချိတ်အဆက်တွေကို ရှင်းပြပါတယ်။ အဓိက သီချင်းကို ရေးသားခဲ့တဲ့ တေးရေး ( မောင်မောင်ဇော်လတ် + လေးဖြူ ) ((( ကျွန်မထင်တာတော့ အယ်ဖြူလို့ ထင်ပါတယ် … သူမှားပြောတာ ဖြစ်မှာပါ ))) တို့ကလည်း တီးခတ်သူတို့ရဲ့ ပြောပြချက်အပေါ် သူတို့လိုချင်တာလေးတွေကို ပြောဆိုဆွေးနွေးပါတယ်။ ကိုလေးဖြူကလည်း သူတို့ Demo လုပ်လာတဲ့ အခွေကြမ်းကို ကြိမ်ဖန်များစွာ ဖွင့်ပြီး ပြင်ဆင်ချင်တာတွေ၊ ဖြည့်စွက်ချင်တာတွေကို ပြောပြပါတယ်။ ကိုချစ်စမ်းမောင် ကိုဗညားနဲ့ ကိုခရမ်း တို့ကလည်း သီချင်းရဲ့ အယူအဆတွေ ၊ တီးရမယ့် Guitar Color, KB အမျိုးအစားက အစ ညှိနှိုင်းကြပါတယ်။



အားလုံး စုစည်းကြမယ့် အင်ဂျင်နီယာများကလည်း စက်ခန်းထဲမှာ အလုပ်ရှုပ်နေပါတယ်။ ဘာကြောင့်လဲဆိုတော့ အရင်လို Body တီးမယ့်နေ့ဆိုပြီး Drum တစ်ခုတည်းကိုပဲ ချိန်ထားလို့ မရတော့ပါဘူး။ အားလုံးတီးမယ် ဆိုတော့ အားလုံးကို ချိန်ပေးရပါတော့မယ်။ Drum အတွက် ၉ လိုင်း၊ Bass က ၁လိုင်း၊ Guitar ၂ လိုင်း vocal အကြမ်း အတွက် ၁လိုင်း အဲဒီ ၁၅လိုင်း တစ်ခါတည်း သွင်းမှာဖြစ်ပါတယ်။ အဲဒီတော့ တီးခတ်မယ့် ပစ္စည်းတွေရဲ့ Input တွေကို တစ်ခါတည်း ချိန်ရပါမယ်။ Over Load တွေ မဖြစ်အောင် ဂရုစိုက်ရတော့မယ်ပေါ့။



သီချင်းမသွင်းခင် သီချင်းအရင် တိုက်ကြည့်ပါတယ်။ သီချင်းရဲ့ အသွားအလာ၊ အချိတ်အဆက်တွေကို တီးနေရင်းနဲ့ စည်းစည်းလုံးလုံး ရှိသွားဖို့ အတွက်ပါ အခေါက်ခေါက် အခါခါ တိုက်ကြတယ်။ သီချင်းတိုက်ရင်းနဲ့ လိုတိုးပိုလျှော့တွေ လုပ်တယ်။ အားလုံးသေချာပြိဆိုရင် အစမ်းသွင်းကြည့်တယ်။ သွင်းရင်းနဲ့ မှားတာရှိရင် ကိုယ့်ဟာကို မှတ်ထား။ idea အသစ်ပေါ်လာရင်တော့ ကိုယ့်ဘာသာမှတ်ထား။ မကြိုက်ရင် ပြန်တီးတယ်။ စိတ်ကြိုက်ရပြီဆိုရင် ယူထားလိုက်တယ်။ ပြီးရင် KB ဘာပြန်တီးမလဲ၊ လိုအပ်တာ ကိုယ်စဉ်းစားထားတာလေးတွေကို ညှိနှိုင်းပြီး တစ်ခါတည်း ပြန်တီးတယ်။ အဲဒီလို ပြန်တီးကြတဲ့ အခါမှာလည်း ဘေးကနေ အားလုံး ၀ိုင်းနားထောင်ပြီး လိုအပ်တဲ့ သီချင်းရဲ့ အချိတ်အဆက်က အစ ညှိနှိုင်းပြီး အကောင်းဆုံး ဖြစ်အောင် ပြန်တီးကြတယ်။



တချို့ သီချင်းများမှာ ကွန်ပျူတာ အကူအညီနဲ့ တီးခတ်ထားတဲ့ သီချင်းတွေ ပါပါတယ်။ ကမ္ဘာမှာလည်း သီချင်းအချို့တွေမှာ ကွန်ပျူတာနဲ့ လူနဲ့ တွဲတီးတဲ့ သီချင်းတွေ ပေါ်နေပါပြီ။ အဲဒီအပိုင်းမှာတော့ Arrangement လုပ်တဲ့ ကိုခင်မောင်သန့်က တာဝန်ယူ ဖန်တီးထားပါတယ်။ သီချင်းများကို ကွန်ပျူတာနဲ့ လူနဲ့ တွဲတီးခဲ့ပါတယ်။ ထပ်ပြီးတာနဲ့ ကိုချစ်စမ်းမောင် Guitar ထပ်ပါတယ်။ စတင်သွင်းယူစဉ်က Guitar Backing ၂ လိုင်း ယူထားပါတယ်။ တချို့သီချင်းတွေမှာ စတီး စသွင်းတုန်းက mood တွေ အရမ်းကောင်းနေတော့ ယူထားရပါတယ်။ ပြီးမှ color မတူတဲ့ Backing တွေ ၊ Disc တွေကို ပြန်ထပ်ပါတယ်။ Solo အပိုင်းကို လိုအပ်သလို ဖြည့်စွက် ပြန်တီးပါတယ်။ ကိုလေးဖြူ အနေနဲ့ကလည်း သီချင်းကို ထပ်ခါတလဲလဲ ထပ်ခါတလဲလဲ ဆိုနေရင်းနဲ့ Idea အသစ်တွေ ပေါ်လာရင် တစ်ခါတည်း ပြန်ဆိုလိုက်ပါတယ်။ တေးရေးသူ မောင်မောင်ဇော်လတ်+အယ်လ်ဖြူ တို့ကလည်း သူတို့သီချင်းလေးတွေ လှပဖို့၊ ပုံစံပေါ်လာဖို့ကို တီးခတ်သူတွေကိုရော အဆိုတော်တွေကိုရော သူတို့လိုချင်တာလေးတွေကို Tempo (နရီ)က အစ တစ်ခါတည်း ညှိနှိုင်းပြင်ဆင်နိုင်ပါတယ်။



အဲဒီလိုနဲ့ ပြောရင်း ပြင်ရင်း လက်ဖက်ရည် ထွက်သောက်လိုက် ပြန်တီးလိုက်နဲ့ ညနေစောင်းသွားတယ်။ ပြီးပြီ။ တစ်ရက် တစ်ပုဒ် ၊ vocal ကလွဲလို့ အားလုံးအားလုံး အချောပြီးသွားပြီ ။ အဆိုတော်လည်း ကြိုက်တယ်။ တေးရေးလည်း ကြိုက်တယ်။ တီးခတ်သူတွေလည်း ကျေနပ်တယ်။ ပြီးပြီပေါ့။ တမင်သက်သက် ဖန်တီးလို့ မရတဲ့ ညီညာမှုလေးတွေကို တွေ့ရှိခဲ့ရပါတယ်။ အဲဒီလို အတီးသမားတွေ တစ်ခါတည်း တီးပြီး သွင်းကြဖို့ကိုလည်း ကိုချစ်စမ်းမောင်က အကြံပေးခဲ့လို့ ထူးထူးခြားခြား ဖြစ်တယ်ဆိုပြီး အားလုံး တစ်ပြိုင်နက် တီးခတ်ကြတာပါ။



အခုလို တစ်ပြိုင်တည်း တီးပြီး သီချင်းတစ်ပုဒ်ကို ဖန်တီးစုစည်းခြင်းရဲ့ အကျိုး၊ ခံစားရမှု၊ စိတ်လှုပ်ရှားမှု ၊ တီးခတ်ရတဲ့ သီအိုရီအပိုင်း၊ လျှပ်တပြက်ပေါ်လာတဲ့ သီချင်း Idea များအပေါ် ဘယ်လို ခံစားဖန်တီးခဲ့သလဲဆိုတာ Iron Cross အဖွဲ့က ပြန်ပြောပြထာပါတယ် ။

ဒီအခွေလေးကို လုပ်ဖို့ စတင်ဖြစ်ပေါ်လာတဲ့ အကြောင်းနဲ့ ကျွန်တော့်ရဲ့ ရည်ရွယ်ချက်ကတော့ အားလုံးသိတဲ့ အတိုင်းပါပဲ။ အားလုံးလည်း စိတ်ကူးယဉ်ကြတဲ့ အတိုင်းပါပဲ။ အားလုံးလည်း ဖြစ်ချင်တဲ့ အတိုင်းပါပဲ။ ကျွန်တော်တို့ မြန်မာပြည်ထဲမှာ တခြားနိုင်ငံရဲ့ Instrument တွေနဲ့ တီးထားတဲ့ အခုကမ္ဘာ့ Music လို့ ပြောရမှာပေါ့နော်။ တစ်ကမ္ဘာလုံး လက်ခံကြတဲ့ ဒီ Album တစ်ခွေလောက်ုလုပ်ချင်တာပေ့ါနော်။ အဲဒီ အိပ်မက်ကတော့ လူတိုင်းရှိတယ် ထင်တာပဲ။ အဆိုတော်တွေလည်း အဲဒီ အိပ်မက် ရှိကြလိမ့်မယ်။ ကျွန်တော် ထင်တယ် ။ သူသူ ကိုယ်ကိုယ် ဘယ်သူမဆို သီချင်းဆိုကြပြီ ဆိုကတည်းက ကိုယ့်ဘ၀မှာ အမှတ်တရ ဖြစ်စရာလေးတွေ ကိုယ့်ဆီက အကောင်းဆုံး ဆိုတာလေးကို ပေးခဲ့ချင်တယ်။ ချန်ထားခဲ့ချင်တယ်ပေ့ါ။ လူတိုင်းမှာလည်း သူသူကိုယ်ကိုယ် သူ့အတ္တ၊ ကိုယ့်အတ္တ ရှိကြပါတယ်။ လူတိုင်း အတ္တ မပါဘူးလို့ ပြောလို့မရပါဘူး။ ကျွန်တော်လည်း ပါတာပါပဲ။ အတုံးလိုက် အတစ်လိုက် ပါတာပေါ့ဗျာ။ သူ့အတ္တ၊ ကိုယ့်အတ္တလေးတွေပါတယ်။



ကိုယ့်ဘ၀မှာ ကိုယ့်ကိုယ်ကိုယ် အတွက်ပဲ ဖြစ်ဖြစ်၊ ကိုယ့်အတ္တအတွက် သက်သက်ပဲဖြစ်ဖြစ်၊ သီချင်းလောက အတွက်ပဲ ဖြစ်ဖြစ်၊ ကိုယ့်နိုင်ငံကနေပြီးတော့မှ အဆင့်မီတဲ့ တေးသီချင်းလေးတွေ အမှတ်တရဖြစ်ပြီး ကျန်မဲ့ သီချင်းမျိုး တစ်ခုခု အဖတ်တင်ပြီး ကျန်ခဲ့မယ့် သီချင်းမျိုး၊ ကံကောင်းရင်လည်း သူများနိုင်ငံက ကြည့်ရင်လည်း မျက်နှာမငယ်လောက်တဲ့ သီချင်းလေးတစ်ခွေတော့ လူတိုင်းဖန်တီးချင်ကြတယ်။ အဲဒီလိုပဲ သူများလိုပဲ ကျွန်တော်လည်း လုပ်ချင်တယ်။ မှတ်တိုင်လေး တစ်ခု ဖြစ်သွားအောင်တော့ လုပ်ချင်ကြတယ်။



ကျွန်တော်တို့ ဘာကြည့်ရမလဲတော့ ဒီဘက်ခေတ်မှာ ကျွန်တော်တို့ OwnTune တွေက ရွှေထက်ရှားနေသလို ဖြစ်နေတယ်။ ရှိပါတယ်။ own tune တွေ အများကြီး ရှိပါတယ်။ ဒါပေမယ့် ကျွန်တော်တို့ စိတ်ကြိုက်ဆိုတာ တွေ့ဖို့ခဲယဉ်းတယ်။ ကျွန်တော် နိုင်ငံခြားသီချုင်းတွေ နိုင်ငံတကာသီချင်းတွေကို ယူထားတာ ဆိုတော့ ကျွန်တော်တို့ကလည်း သူများနောက်ကပဲလို ဖြစ်နေတာပေ့ါ။ သီချင်းတွေ နားထောင်တယ်ဆိုတာကလည်း တချို့လူတွေက ကြုံလို့နားထောင်တာ၊ အချိန်ရလို့ နားထောင်တာ အမျိုးမျိုး ပေါ့။ ကျွန်တော်တို့က ဒါ သီချင်းတွေ နားထောင်တယ်၊ ဆိုတယ်၊ တီးကြတယ်ပေ့ါ။ ဒါက ကျွန်တော်တို့ရဲ့ အဓိက အလုပ်ပဲဖြစ်တယ်။ အဲဒီတော့ ကျွန်တော်တို့က သီချင်းတွေအပေါ် သူများတွေထက် ရူးသွပ်ရတယ်၊ သူများတွေထက် ဂရုစိုက်ရတယ်၊ အာရုံစိုက်ရတယ်ပေ့ါ။ အဲဒါတွေကတော့ ဒီမှာ သီချင်းဆိုကြ၊ တီးကြတဲ့ သူတွေအားလုံး သိကြပါတယ်။



အဲဒီတော့ ကျွန်တော်တို့ အခုနက ပြောသလို Own Tune က ရွှေထက်ရှားတယ်ဗျ။ ကျွန်တော်တို့ စိတ်ကြိုက်ဖြစ်မယ့် သီချင်းမျိုး ရေးပေးနိုင်တဲ့လူလည်း ရှားတယ်ဗျ။ နောက်ပြီး တိုက်ဆိုင်တာလေး တစ်ခု ကျွန်တော်လည်း အဲဒီ own tune ဘက်ကို စိတ်ပါနေတဲ့အချိန်၊ အာရုံရနေတဲ့အချိန်မှာ မောင်မောင်ဇော်လတ်တို့ အယ်လ်ဖြူတို့ကလည်း own tune တစ်ခွေလောက် လုပ်ချင်တယ်ပေ့ါ။ သူတို့ကလည်း အခုခေတ်ကမ္ဘာမှာ ခေတ်စားနေတဲ့ Modern Rock ဆန်ဆန်လေးတွေပေ့ါ။ ဒါပေမယ့် ကျွန်တော်တို့အားလုံးကို ပြန်ဆန်းစစ်ပြီး သီချင်းတွေကို ရွေးချယ်ထားပါတယ်။ အခြေအနေနဲ့ အချိန်အခါအရ သီချင်းအမျိုးအစားတွေကိုလည်း ကျွန်တော်တို့ ပြန်ပြီး ရွေးချယ်ထားရပါတယ်။ ဒီအခွေလေးကိုတော့ Modern Rock သီချင်းတွေလို့တော့ မထင်စေချင်ဘူး။ နည်းနည်း ထူးခြားအောင်တော့ လုပ်ထားပါတယ်။ ကျွန်တော် အရင် နှစ်ခွေလုပ်ဖူးပါတယ်။ တစ်ခွေမှာ မောင်မောင်ဇော်လတ်တို့လည်း ပါပါတယ်။ ကိုရွှေတို့လည်း ပါတာပဲ။ ညီညီသွင်လည်း ပါတယ်။ ကြာတော့ ကြာသွားပါပြီ။



တချို့က ငါ့ဘာသာ ငါလုပ်တာ ၊ ဒါ own tune ဆိုပြီးတော့ own tune ဆိုတဲ့ ခြုံပုတ်ထဲမှာ ခိုပြီး လက်သီးပြတဲ့လူတွေ အများကြီး ရှိတယ်။ ကျွန်တော်တို့ကတော့ အဲဒီလိုကြီး ခွဲခွဲခြားခြား ကြီးတော့ မဖြစ်စေချင်ဘူး။ ကော်ပီမို့လည်း အော့နှလုံးနာစရာ အကြောင်းမရှိဘူး။ own tune တိုင်းကိုလည်း အထွက်အမြတ် ထားစရာအကြောင်း မလိုပါဘူး။ အနုပညာ ဖန်တီးမှုမှာ အဲဒီလို ခွဲခြားလိုက်ပြိ ဆိုကတည်းက ဘာအဓိပ္မါယ်မှ မရှိတော့ဘူး ထင်တာပဲ။



ဆိုကြပါစို့ဗျာ Metallica တစ်ပုဒ်ကို စာသားထည့်ဆိုတဲ့ သီချင်းနဲ့စာရင် ကျွန်တော်တို့ own tune က မျက်နှာငယ်ခဲ့ရတယ်။ ထားပါတော့ဗျာ။ အားနည်းချက်တွေကလည်း များနေတော့၊ ချို့တဲ့မှုတွေကလည်း များနေတော့ ကျွန်တော်တို့မှာ copy သီချင်းတွေကို မမီခဲ့ဘူး။ အတတ်ပညာပိုင်း ပစ္စည်းပိုင်းက အစ လိုအပ်နေသေးလို့ပေ့ါဗျာ။ copy ဆိုတာကလည်း သူတို့နိုင်ငံက အကောင်းဆုံးနာမည်ကြီးနေတဲ့ သီချင်းတွေကို ရွေးချယ်ပြီး ကိုယ့်ဘာသာကိုယ် ပြန်ဆိုတာဆိုတော့ ကျွန်တော်တို့ဘာသာလုပ်တဲ့ own tune က အားနည်းချက်တွေ အများကြီး ရှိတာပေ့ါ။ ထားပါတော့လေ။ ကမ္ဘာ့ Music မြန်မာ့ Music ဆိုတာကို သုံးသပ်မနေတော့ပါဘူး။ အခု ကျွန်တော်တို့ သီချင်းခွေလေးကို ဘယ်လိုလုပ်ခဲ့ကြသလဲ ဆိုရင် မောင်မောင်ဇော်လတ်တို့ အယ်လ်ဖြူတို့အနေနဲ့ နောက်ဆုံး ကြိုးစားခြင်းပဲ ။



သူတို့အကောင်းဆုံးဖြစ်အောင် ရေးမယ်။ လေးဖြူ ဆိုပေ့ါ။ အကောင်းဆုံး ရေးမယ်၊ သူတို့ကလည်း ယုံပြီးသား၊ IC ကလည်း အကောင်းဆုံးတီးမယ်။ လေးဖြူကလည်း အကောင်းဆုံး ဆိုမယ်ပေ့ါ။ သီချင်းတွေကိုလည်း လိုသည်ထက် ပိုပိုသာသာလေး လုပ်ထားမယ်။ ပြီးမှ အကောင်းဆုံး ပြန်ရွေးမယ်။ ကျွန်တော်တို့ အားလုံးလည်း တော်တော်ညှစ်ပြီး လုပ်ထားရပါတယ်။ ဘယ်လိုပြောရမလဲ။ နောက်ဆုံးကမ်းလိုက်တဲ့ လက်ပေ့ါဗျာ။

((( အယ်လ်ဖြူ့အတွက် နိမိတ်တွေ ဖတ်ထားသလိုပဲနော် - ETN )))



သူတို့အနေနဲ့ အဆင့်မီတဲ့ Own Tune သီချင်းတွေ ရေးချင်တယ်။ ကျွန်တော့်အနေနဲ့ အဆင့်မီတဲ့ Own Tune သီချင်းတွေ ဆိုချင်တယ်။ IC အနေနဲ့ကလည်း သူတို့တစ်နှစ်ကို အခွေတွေ တော်တော်တီးရတယ်။ အဲဒီ အထဲမှာမှ ပရိသတ်နဲ့ အစပ်အဟပ်တည့်တဲ့ အခွေက ဘယ်လောက်ရှိသလဲဆိုတာ လက်ချိုးရေလို့ ရပါတယ်။ အဲဒီတော့ သူတို့အနေနဲ့ ကျန်ခဲ့မယ့် အခွေမျိုး ဖြစ်အောင် တီးချင်တယ်။



သူများနိုင်ငံက Album တစ်ချပ်တစ်ခွေဆိုတာ တစ်ကမ္ဘာလုံးက နားထောင်ကြတာ၊ သူတို့ရဲ့ ဈေးကွက်ကလည်း အကြီးကြီပဲ။ အဲဒီတော့ သူတို့ရဲ့ သီချင်းတွေကို ကမ္ဘာက စိတ်ဝင်စားအောင် လုပ်ဖို့ ငွေရေးကြေးရေး အရလည်း အများကြီး သုံးရတယ်။ သုံးနိုင်တယ်။ ကျွန်တော်တို့မှာတော့ သိတဲ့အတိုင်း ကျွန်တော်တို့ နိုင်ငံအတွင်းမှာပဲ လည်ပတ်ရတဲ့ အဆင့်ရှိသေးတယ်လေ။ အစစအရာရာ ကျွန်တော်တို့ထက် အများကြီး သာတယ်။ အခု ဒီအခွေလေးကိုလည်း ပြောရရင် ရေးသူကလည်း ရေးချင်တယ်။ ကျွန်တော်ကလည်း ဆိုချင်တယ်။ IC ကလည်း တီးချင်တယ်။ Producer ကလည်း လုပ်ချင်တယ်။ အဲဒါတွေ ပေါင်းပြီး လုပ်လိုက်တာပါပဲ။



ဘယ်လို လုပ်ကြသလဲဆိုတာ ကျွန်တော် ပြောရရင် ဘယ်လိုလုပ်ရင် အရည်အသွေးတွေ ပိုကောင်းလာမလဲဆိုတာ စဉ်းစားကြတာပါပဲ။ အဲဒီတော့ "ဇော်လတ် … မင်းတို့လိုချင်တာတွေ လုပ်နိုင်အောင်လို့ ပထမ studio တစ်ခုမှာ ချိတ်လိုက်" အဲဒါ ပထမ အချက်ပေ့ါ။ Hollow Guitar လေးနဲ့ တီးပြီး သွင်းထားမယ့် အစား အဖွဲ့နဲ့ တစ်ခါတည်း လိုချင်တဲ့ ပုံစံကို ရအောင်တီးမယ်။ ကြားထဲမှာ တစ်ခုခံပေးလိုက်တဲ့ သဘောမျိုးပေ့ါ။ နောက်ဆုံး တီးရမယ့် အဆင့်မရောက်ခင် ကြားထဲမှာ တစ်ဆင့် ခံထားပေးလိုက်တာပေ့ါ။ အဲဒီအတွက် Metal Zone Studio မှာ Date ယူတယ်။ Date ကိုလည်း ဆက်တိုက်မဟုတ်ဘူး။ ၁ ရက်တီး ၂ ရက် ၃ရက်ခြားပြီး နောက်တစ်ခါတီး တစ်ပုဒ်ပြီးရင် နောက်တစ်ပုဒ် ဆက်စဉ်းစား။ ကျွန်တော်လည်း အဲဒီလို လုပ်ထားရင်းနဲ့ ထွက်လာတဲ့ အပေါ်မှာ မူတည်ပြီး နောက်ဆုံး Final တီးရင် ဘာလိုအပ်မလဲဆိုတာ ကိုယ့်ဘာသာ မှတ်ထားတယ်။ လိုချင်တာလေးတွေ ဖြစ်ချင်တာလေးတွေကို မှတ်ထားပါတယ်။ Demo လို့ခေါ်တာပေ့ါဗျာ။ Demosition ပေ့ါ။ အဲဒါကိုမှ Final မှာ IC Band အရည်အသွေး မြှင့်တင်တဲ့သဘော၊ ပထမ တီးခဲ့တာတွေထဲက လိုအပ်တာတွေ ဖြည့်ပြီး မြှင့်တင်လိုက်တဲ့ သဘောပေ့ါ။ ( အဲဒီမှာကတည်းက သီချင်း၃ပုဒ်လောက် Reject ထိသွားသေးတယ်)။ အဲဒီမှာကတည်းက ကျွန်တော်တို့ စကာတင် လုပ်လိုက်ပြီးနောက် PTL နဲ့ IC လက်ထဲ ရောက်လာတဲ့ အပုဒ်တွေက ကျွန်တော်တို့ လက်ရွေးစင် ရွေးပြီးသားတွေပဲ ရောက်လာတဲ့ သဘောပေ့ါ။ IC နဲ့ တီးပြီး နောက်ဆုံး လုပ်လိုက်တဲ့ အဆင့်မှာကို နောက်တစ်ပုဒ် Reject ထိသေးတယ်။ မကြိုက်လို့ ပြန်ဖြုတ်ပစ်လိုက်တယ်။ အခု နောက်ဆုံး ၁၂ ပုဒ်ပဲ ကျန်တယ်။ ပြီးလို့ သီချင်းအခွေစီပြီးလို့ ရှိရင်လည်း ကျွန်တော့်အခွေထဲမှာ ကြောင်နေတာလေးတွေ အဆင်မပြေတာလေးတွေ ရှိရင် ထပ်ဖြုတ်ဦးမယ်။ ပရိသတ်ကို ကျွန်တော် အကောင်းဆုံးလေးတွေပဲ ပေးချင်လို့၊ မကောင်းတဲ့အပုဒ် အဆင်မပြေတဲ့ အပုဒ်ကို တစ်ဆင့်ချင်း သုတ်သင်ပစ်ခဲ့ပါတယ်။



နောက်ပြီး သွင်းယူတဲ့ အဆင့်မှာလည်း ကျွန်တော်တို့ လွတ်လပ်ချင်တယ်။ လွတ်လွတ်လပ်လပ် တီးချင်ဆိုချင်တယ်။ Multiple စနစ်နဲ့ သွင်းယူခြင်းရဲ့ အမှားတွေကို ရှောင်လိုက်တဲ့ သဘောမျိုးပေ့ါ။ ကျွန်တော်လည်း အကြမ်းဆိုရင်းနဲ့ အဆင်မပြေတဲ့ နေရာတွေ ပေါ်လာတယ်။ ကြပ်နေတဲ့ နေရာတွေ ပေါ်လာတယ်။ မြန်မာလိုတော့ ဒုန်းလို့ပြောရမှာပေ့ါ။ အဲဒါမျိုးတွေပေ့ါ။ ကျွန်တော် ဆိုနေရင်းနဲ့ စာလုံးတွေ ပြွတ်နေတာမျိုးတွေ အဲဒါမျိုးတွေဆိုရင် ချက်ချင်းပြင်လို့ရတာပေ့ါ။



ကိုလေး ဒီအခွေ လုပ်လိုက်တာ အရင် Own Tune တွေနဲ့ ခံစားမှုခြင်း ကွာခြားမှု ရှိ မရှိ ။



ကွာတယ်ဗျ။ ကျွန်တော့် ဒီအခွေနဲ့ ဆိုရင် own tune သုံးခွေရှိပြီ။ တတိယအခွေပေ့ါ။ ပထမ အခွေတွေတုန်းက ဆိုပြီး တီးပြီးတာနဲ့ နောက်ထပ်ပြန်လုပ်ရဖို့ တော်တော်စဉ်းစားရတယ်။ မလုပ်ချင်တော့ဘူး။ စိတ်မရှိတော့ဘူး။ မကြိုက်ခဲ့တာလေးတွေ ရှိတယ်။ အခက်အခဲလေးတွေ ရှိနေတယ်ဆိုတော့ ကျွန်တော် နောက်တစ်ခွေ ထပ်လုပ်ဖို့ Depression ၀င်နေတယ်ပေ့ါဗျာ။ အရင်အခွေတုန်းကလည်း တချို့ဟာတွေတော့ ကြိုက်ပါတယ်။ အားလုံးတော့ မဟုတ်ပါဘူး။ ဒီအခွေထပ်လုပ်ဖို့ စိတ်ထဲမှာ အားတစ်ခု ရှိနေသလိုပဲ။ စိတ်ထဲမှာလည်း ကျေနပ်မှု ရှိနေတယ်။



Copy သီချင်းများနဲ့ ဆက်လျှောက်ဖို့ ရှိ မရှိ ။



ကျွန်တော် copy သီချင်းဆိုဦးမှာပဲ။ ဆိုနိုင်တဲ့ အခြေအနေရှိသေးသရွေ့ ဆိုဦးမှာ။ Copy ဆိုတာ ကျွန်တော့်အတွက်လည်း လိုအပ်တယ်။ သီချင်းဆိုကြတဲ့ သူတွေအတွက်ကလည်း လိုအပ်တယ် ထင်ပါတယ်။ စဉ်းစားကြည့်ပါဗျာ။ သီချင်းလောက သက်တမ်းရဲ့ အခု အနှစ်နှစ်ဆယ်ကျော် ခရီးမှာ ဒီ copy ဆိုတာ မလိုအပ်ခဲ့ရင် ဒီလောက်အထိ သက်ဆိုးရှည်စရာ အကြောင်းမရှိဘူး လို့ ထင်တာပဲ။



ကိုလေးအနေနဲ့ own tune လုပ်မယ် ဆိုရင် ကိုယ့်သီချင်းရေးဆရာနဲ့ ကိုယ်၊ ကိုယ့် band နဲ့ ကိုယ်၊ ကိုယ့်ရဲ့ ကိုယ်ပိုင် group လေးနဲ့ လုပ်ရင် အဆင်ပြေမလား။ သီချင်းရေးဆရာ ပေါင်းစုံနဲ့ လုပ်ခြင်းက အဆင်ပြေမလား။ ဘယ်ဟာက ပိုကောင်းနိုင်သလဲ ။



ကျွန်တော် အကောင်းဆုံး ပြောရရင် ကိုယ့်သီချင်း ကိုယ်ရေးနိုင်ရင် အကောင်းဆုံးပဲပေ့ါဗျာ။ ကျွန်တော်လည်း ရေးချင်တဲ့ ဆန္ဒရှိတယ်။ ဒါပေမယ့် မရေးနိုင်တော့ဘူး။ နောက်ပြီး တခြားတေးရေးသူဆိုတာလည်း ကိုယ်နဲ့ သက္ကရာဇ်ခြင်း တူတဲ့လူဆိုရင် အဆင်ပြေနိုင်တယ်။ သက္ကရာဇ် ဆိုတာ မွေးရက်တူတဲ့သူ မဟုတ်ဘူး။ ကိုယ်နဲ့ သီချင်းအပေါ်မှာ ခံယူတဲ့ စိတ်ဓါတ်ချင်း တူတဲ့သူ၊ ခံစားမှုချင်း တူတဲ့သူကို ပြောတာပါ။



ကျွန်တော် အခွေတစ်ခွေ လုပ်တော့မယ် ဆိုရင် ကျွန်တော့်ခံစားသူဖက်ကနေ အမြဲတမ်း ကိုယ်ချင်းစာပြီး ထည့်တွက်ရတယ်။ ကိုယ်ကြိုက်ရာ ကိုယ်လုပ်ကြေးဆိုရင် မဟုတ်တော့ဘူးဗျာ။ ငွေရရှိရေးသာကြည့်ပြီး လုပ်မယ်ဆိုရင် လူတိုင်းမှာ လုပ်စရာတွေ အများကြီးပါပဲ။ အဲဒီတော့ ကိုယ့်ခံစားမှုကို ကိုယ်ပြချင်ရင် ကိုယ့်ဘာသာ ဖန်တီးနိုင်ရင် အကောင်းဆုံးပဲလို့ ထင်ပါတယ်။ ဒီအခွေမှာလည်း ပြောရရင် ကျွန်တော်နဲ့ သက္ကရာဇ်ချင်း အတူဆုံး လူတွေ ဖြစ်တဲ့အတွက် ကျွန်တော်တို့ ပေါင်းစပ်လိုက်တာပါပဲ။ ကျွန်တော်တို့အားလုံး အထူးခြားဆုံးနဲ့ အကောင်းဆုံးဖြစ်အောင် ညှစ်ထုတ်ထားလိုက်တာပါပဲ။ Mixing အပိုင်းမှာတော့ သိပ်အခက်အခဲ မရှိပါဘူး။ ညီလေး(ကိုချစ်စမ်းမောင်) ဘေးကနေထိုင်ပြီး တစ်နေကုန် ထိုင်ရစ်နေလိုက်တာပါပဲ။ Mixing ဆွဲတော့လည်း IC Band က အားလုံးလာပြီး လိုအပ်တာတွေ ပြောကြတယ်ပေ့ါဗျာ။ ကိုညီလေးနဲ့ ကိုသန့်ကတော့ အဓိကနားထောင်ပြီး ကျွန်တော်နဲ့ ညှိနှိုင်းပြီး အကောင်းဆုံးဖြစ်အောင် လုပ်ကြတယ်။ တီးတဲ့ သီအိုရီအပိုင်းနဲ့ တခြားခံစားမှုတွေတော့ IC အဖွဲ့ကို မေးကြည့်ရင် အဆင်ပြေမယ် ထင်လိမ့်မယ်။ သူတို့လည်း ကျွန်တော့်အခွေမှာ စိတ်ဝင်တစား အာထက်သရော ပါဝင်တီးခတ်ခဲ့ကြတာပါ။ ။



အလင်္ကာ